ವರದಿ : ಮಲ್ಲಿಕಾರ್ಜುನಗೌಡ ಹೊಸಮನಿ
ಗಂಗಾವತಿ / ಕೊಪ್ಪಳ: ಅಂತರರಾಷ್ಟ್ರೀಯ ಮಟ್ಟದ ಪ್ರತಿಷ್ಠಿತ 'ವರ್ಲ್ಡ್ ಸ್ಕಿಲ್ಸ್ ಶಾಂಘೈ-2026' (ವಿಶ್ವ ಕೌಶಲ್ಯ ಒಲಿಂಪಿಕ್ಸ್) ಸ್ಪರ್ಧೆಗೆ ಕೊಪ್ಪಳ ಜಿಲ್ಲೆಯ ಗಂಗಾವತಿ ತಾಲೂಕಿನ ಕೋಟಯ್ಯ ಕ್ಯಾಂಪ್ನ ಪ್ರತಿಭಾನ್ವಿತ ಯುವಕ ಸಾಯಿತೇಜ.ಜಿ ಆಯ್ಕೆಯಾಗುವ ಮೂಲಕ ನಾಡಿಗೆ ಅಭೂತಪೂರ್ವ ಹೆಮ್ಮೆ ತಂದಿದ್ದಾರೆ.
ಬೆಳ್ಳಿ-ಚಿನ್ನದ ಪದಕ ಗೆದ್ದು ಅಂತರರಾಷ್ಟ್ರೀಯ ವೇದಿಕೆಗೆ ಲಗ್ಗೆ! :
ಪ್ರಸ್ತುತ ಒಡಿಶಾದ ಭುವನೇಶ್ವರದಲ್ಲಿರುವ 'ಟಾಟಾ ಕನ್ಸಲ್ಟೆನ್ಸಿ' (TCS) ಸಂಸ್ಥೆಯಲ್ಲಿ 'ಸೆಕ್ಯೂರಿಟಿ ಅನಾಲಿಸ್ಟ್' ಆಗಿ ಸೇವೆ ಸಲ್ಲಿಸುತ್ತಿರುವ ಸಾಯಿತೇಜ.ಜಿ, ಬಿ.ಟೆಕ್ ಪದವೀಧರರಾಗಿದ್ದಾರೆ.
ದೆಹಲಿಯಲ್ಲಿ ನಡೆದ 'ಇಂಡಿಯಾ ಸ್ಕಿಲ್ಸ್ ನ್ಯಾಷನಲ್ ಸ್ಪರ್ಧೆ'ಯಲ್ಲಿ ಚಿನ್ನದ ಪದಕ ಗಳಿಸಿ ರಾಷ್ಟ್ರಮಟ್ಟದಲ್ಲಿ ಮಿಂಚಿದ್ದರು.
ಹೈದರಾಬಾದ್ನಲ್ಲಿ ನಡೆದ ದಕ್ಷಿಣ ಪ್ರಾದೇಶಿಕ ಸ್ಪರ್ಧೆಯಲ್ಲಿ ಬೆಳ್ಳಿ ಪದಕ ಮುಡಿಗೇರಿಸಿಕೊಂಡು ತಮ್ಮ ಕೌಶಲ್ಯವನ್ನು ಸಾಬೀತುಪಡಿಸಿದ್ದರು.
ನಾಡಿಗೆ ತಂದ ಹೆಮ್ಮೆ: ಜಿ. ರಾಮಕೃಷ್ಣ ಹರ್ಷ
ಗೌಡವರ್ತಿ ಶೋಭಾ ಹಾಗೂ ಗೌಡವರ್ತಿ ನಾಗಮಲ್ಲೇಶ ದಂಪತಿಯ ಪುತ್ರನಾಗಿರುವ ಸಾಯಿತೇಜ ಅವರ ಈ ಐತಿಹಾಸಿಕ ಸಾಧನೆಗೆ ಗಂಗಾವತಿ ಸೇರಿದಂತೆ ಕೊಪ್ಪಳ ಜಿಲ್ಲೆಯಾದ್ಯಂತ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ. ಯುವಜನತೆಗೆ ಇವರ ಸಾಧನೆ ದಾರಿದೀಪ ಹಾಗೂ ದೊಡ್ಡ ಸ್ಫೂರ್ತಿಯಾಗಿದೆ ಎಂದು ಸ್ಥಳೀಯರು ಶ್ಲಾಘಿಸಿದ್ದಾರೆ.
"ಕಲ್ಯಾಣ ರಾಜ್ಯ" ಪತ್ರಿಕಾ ಬಳಗದ ಶುಭಾಶಯಗಳು! :
ಕನ್ನಡಿಗ ಸಾಯಿತೇಜ.ಜಿ ಅವರಿಗೆ ಶುಭ ಹಾರೈಕೆಗಳು! ಭಾರತದ ಬಾವುಟ ವಿಶ್ವಮಟ್ಟದಲ್ಲಿ ಮತ್ತಷ್ಟು ಎತ್ತರಕ್ಕೆ ಹಾರಲಿ! 



