Kalyanarajya

🚨"ಸರ್ಕಾರಿ ಗೋಮಾಳ ಅತಿಕ್ರಮಣ ಸರ್ವೇಯಲ್ಲಿ ಬಯಲು!" "ಅಕ್ರಮ ಅತಿಕ್ರಮಣ ದೃಢ — ಸರ್ವೇ ಹಾಗೂ ಅಧಿಕಾರಿಗಳ ಕರ್ತವ್ಯಕ್ಕೆ ಅಡ್ಡಿಪಡಿಸಿದ ಆರೋಪ"

ಸಿದ್ದಾಪುರ: ಸರ್ಕಾರಿ ಗೋಮಾಳದ ಅಕ್ರಮ ಅತಿಕ್ರಮಣ ತೆರವುಗೊಳಿಸುವಂತೆ ಸಲ್ಲಿಸಲಾದ ದೂರಿನ ಹಿನ್ನೆಲೆಯಲ್ಲಿ ತಹಶೀಲ್ದಾರ್ ಅವರು ಸರ್ವೇ ನಡೆಸಿ, ಅಕ್ರಮ ಅತಿಕ್ರಮಣ ತೆರವುಗೊಳಿಸುವಂತೆ ಆದೇಶಿಸಿದ ಹಿನ್ನೆಲೆಯಲ್ಲಿ ಅಧಿಕಾರಿಗಳು ನಡೆಸಿದ ಸ್ಥಳ ಪರಿಶೀಲನೆಯಲ್ಲಿ "ಸರ್ಕಾರಿ ಗೋಮಾಳ ಭೂಮಿಯಲ್ಲಿ ಅಕ್ರಮ ಅತಿಕ್ರಮಣ ನಡೆದಿರುವುದು ಸರ್ವೇಯಲ್ಲಿ ದೃಢಪಟ್ಟಿದೆ" ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. 


ತಹಶೀಲ್ದಾರ್ ಅವರ ಆದೇಶದಂತೆ ಸರ್ಕಾರಿ ಅಧಿಕಾರಿಗಳು ಹಾಗೂ ಸರ್ವೇ ಅಧಿಕಾರಿಗಳು ಸ್ಥಳಕ್ಕೆ ತೆರಳಿ ಸರ್ವೇ ಕಾರ್ಯ ನಡೆಸುತ್ತಿದ್ದ ಸಂದರ್ಭದಲ್ಲಿ, "ರೌಡಿ ಶೀಟರ್ MDS ಮಹಿಬೂಬ್ ತಂದೆ ಮೋದಿನ್ ಸಾಬ್ ಬೆಂಬಲದಿಂದ ಅಕ್ರಮಕೋರ ಇಮಾಮ್ ತಂದೆ ಅಬ್ದುಲ್ ಸಾಬ್ ಕಟಾಂಬ್ಲಿ ಎಂಬುವನು ಸರ್ವೇ ಕಾರ್ಯ ಹಾಗೂ ಗ್ರಾಮ ಆಡಳಿತಾಧಿಕಾರಿಗಳ ಅಧಿಕೃತ ಕರ್ತವ್ಯಕ್ಕೆ ಅಡ್ಡಿಪಡಿಸಿದ ಆರೋಪ" ಕೇಳಿಬಂದಿದೆ.

ಅಧಿಕಾರಿಗಳು ಸ್ಥಳದಲ್ಲಿ ಸರ್ವೇ ಕಾರ್ಯ ಮುಂದುವರಿಸಿದಾಗ, ಸರ್ಕಾರಿ ಗೋಮಾಳದ ಜಾಗವನ್ನು ಅಕ್ರಮವಾಗಿ ಅತಿಕ್ರಮಿಸಿಕೊಂಡಿರುವುದು "ಸರ್ವೇ ಪ್ರಕ್ರಿಯೆಯಲ್ಲಿ ದೃಢಪಟ್ಟಿದ್ದು, ಅತಿಕ್ರಮಣದ ನಿಖರ ವ್ಯಾಪ್ತಿ ಹಾಗೂ ವಿವರಗಳನ್ನು ಸರ್ವೇ ವರದಿಯಲ್ಲಿ ದಾಖಲಿಸಲಾಗುತ್ತಿದೆ" ಎಂದು ತಿಳಿದುಬಂದಿದೆ.  


 
"🐄 ಗೋಮಾಳ ಅತಿಕ್ರಮಣ — ಮೂಕ ಪ್ರಾಣಿಗಳ ಬದುಕಿಗೆ ಸಂಕಷ್ಟ! :

ಗ್ರಾಮದ ದನಕರುಗಳು ಹಾಗೂ ಇತರೆ ಮೂಕ ಪ್ರಾಣಿಗಳ ಮೇಯುವಿಕೆಗಾಗಿ ಮೀಸಲಾಗಿರುವ ಸರ್ಕಾರಿ ಗೋಮಾಳ ಭೂಮಿಯನ್ನೇ ಅಕ್ರಮವಾಗಿ ಅತಿಕ್ರಮಿಸಿಕೊಂಡಿರುವುದು ಸರ್ವೇಯಲ್ಲಿ ದೃಢಪಟ್ಟಿರುವುದು ಗ್ರಾಮಸ್ಥರಲ್ಲಿ ಆಕ್ರೋಶಕ್ಕೆ ಕಾರಣವಾಗಿದೆ.

ಗೋಮಾಳವೆಂದರೆ ಕೇವಲ ಸರ್ಕಾರಿ ಭೂಮಿ ಅಲ್ಲ; ಗ್ರಾಮೀಣ ಪ್ರದೇಶದ ಜಾನುವಾರುಗಳ ಮೇವು ಮತ್ತು ಸಾರ್ವಜನಿಕ ಬಳಕೆಗೆ ಮೀಸಲಾಗಿರುವ ಅಮೂಲ್ಯ ಸಂಪತ್ತು. ಇಂತಹ ಜಾಗ ಅತಿಕ್ರಮಣಕ್ಕೆ ಒಳಗಾದರೆ ಮೂಕ ಪ್ರಾಣಿಗಳಿಗೆ ಮೇಯುವ ಜಾಗದ ಕೊರತೆ ಎದುರಾಗುವ ಜೊತೆಗೆ, ಗ್ರಾಮಸ್ಥರಿಗೂ ತೀವ್ರ ತೊಂದರೆ ಉಂಟಾಗುತ್ತದೆ.

⚠️"ಅಧಿಕಾರಿಗಳ ಕರ್ತವ್ಯಕ್ಕೆ ಅಡ್ಡಿಪಡಿಸಿದ ಆರೋಪ" :

ಸರ್ಕಾರಿ ಆದೇಶದಂತೆ ಕಾನೂನುಬದ್ಧವಾಗಿ ಸರ್ವೇ ನಡೆಸಲು ತೆರಳಿದ್ದ ಅಧಿಕಾರಿಗಳು ಹಾಗೂ ಗ್ರಾಮ ಆಡಳಿತಾಧಿಕಾರಿಗಳ ಕರ್ತವ್ಯಕ್ಕೆ ಅಡ್ಡಿಪಡಿಸಿದ ಘಟನೆ ನಡೆದಿರುವುದು ಇದೀಗ ಮತ್ತೊಂದು ಗಂಭೀರ ವಿಚಾರವಾಗಿ ಪರಿಣಮಿಸಿದೆ. 

ಸರ್ಕಾರಿ ಭೂಮಿಯ ಅತಿಕ್ರಮಣ ಸರ್ವೇಯಲ್ಲಿ ದೃಢಪಟ್ಟಿರುವ ಸಂದರ್ಭದಲ್ಲಿ, ಸರ್ವೇ ಕಾರ್ಯಕ್ಕೆ ಅಡ್ಡಿಪಡಿಸಿದ ಆರೋಪದ ಬಗ್ಗೆಯೂ ಅಧಿಕಾರಿಗಳು ಕಾನೂನುಬದ್ಧವಾಗಿ ಪರಿಶೀಲಿಸಿ, "ರೌಡಿ ಶೀಟರ್ MDS ಮಹಿಬೂಬ್ ಮತ್ತು "ಅಕ್ರಮಕೋರ ಇಮಾಮ್ ತಂದೆ ಅಬ್ದುಲ್ ಸಾಬ್ ಕಟಾಂಬ್ಲಿ" ಇವರ ಮೇಲೆ ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂಬ ಆಗ್ರಹ ಕೇಳಿಬರುತ್ತಿದೆ.

 📋 ತಹಶೀಲ್ದಾರ್ ಕೈಸೇರಲಿದೆ ಸರ್ವೇ ವರದಿ :

ಸರ್ವೇ ಸಂದರ್ಭದಲ್ಲಿ ಕಂಡುಬಂದ ಅಕ್ರಮ ಅತಿಕ್ರಮಣದ ವಿವರಗಳು, ಅತಿಕ್ರಮಿತ ಪ್ರದೇಶದ ಅಳತೆ ಹಾಗೂ ಸಂಬಂಧಪಟ್ಟ ದಾಖಲೆಗಳನ್ನು ಒಳಗೊಂಡ "ಸಂಪೂರ್ಣ ಸರ್ವೇ ವರದಿಯನ್ನು ಮಾನ್ಯ ತಹಶೀಲ್ದಾರ್ ಅವರಿಗೆ ಸಲ್ಲಿಸಲಾಗುವುದು"ಎಂದು ಸಂಬಂಧಪಟ್ಟ ಅಧಿಕಾರಿಗಳು ತಿಳಿಸಿದ್ದಾರೆ.

ಇದೀಗ ಸರ್ವೇ ವರದಿ ತಹಶೀಲ್ದಾರ್ ಅವರ ಕೈಸೇರಿದ ಬಳಿಕ "ಸರ್ಕಾರಿ ಗೋಮಾಳದ ಅತಿಕ್ರಮಣ ತೆರವುಗೊಳಿಸಲು ಯಾವ ಕ್ರಮ ಕೈಗೊಳ್ಳಲಾಗುತ್ತದೆ ಎಂಬುದೇ ಸಾರ್ವಜನಿಕರ ಕುತೂಹಲಕ್ಕೆ ಕಾರಣವಾಗಿದೆ". 

ಸರ್ವೇಯಲ್ಲೇ ಸರ್ಕಾರಿ ಗೋಮಾಳದ ಅಕ್ರಮ ಅತಿಕ್ರಮಣ ದೃಢಪಟ್ಟಿರುವ ಹಿನ್ನೆಲೆಯಲ್ಲಿ, "ಕಾನೂನುಬದ್ಧ ಪ್ರಕ್ರಿಯೆ ಪೂರ್ಣಗೊಳಿಸಿ ಅತಿಕ್ರಮಣವನ್ನು ತಕ್ಷಣ ತೆರವುಗೊಳಿಸಿ ಗೋಮಾಳವನ್ನು ಮೂಲ ಉದ್ದೇಶಕ್ಕೆ ಮುಕ್ತಗೊಳಿಸಬೇಕು" ಎಂದು ಗ್ರಾಮಸ್ಥರು ಒತ್ತಾಯಿಸಿದ್ದಾರೆ.

ಅಕ್ರಮ ಅತಿಕ್ರಮಣ ತೆರವುಗೊಳಿಸುವ ಮೂಲಕ ಸರ್ಕಾರಿ ಭೂಮಿಯನ್ನು ರಕ್ಷಿಸುವುದರ ಜೊತೆಗೆ, ದನಕರು ಸೇರಿದಂತೆ ಮೂಕ ಪ್ರಾಣಿಗಳ ಮೇಯುವ ಹಕ್ಕನ್ನೂ ಸಂರಕ್ಷಿಸಬೇಕಾಗಿದೆ ಎಂಬುದು ಗ್ರಾಮಸ್ಥರ ಆಗ್ರಹವಾಗಿದೆ.

"ಸರ್ವೇಯಲ್ಲಿ ಅಕ್ರಮ ಬಯಲು —ಇದೀಗ ತಹಶೀಲ್ದಾರ್ ಅವರ ಮುಂದಿನ ಕ್ರಮದತ್ತ ಎಲ್ಲರ ಚಿತ್ತ!"



Post a Comment

Previous Post Next Post