ದಸರಾ ಪೂಜೆಯಿಂದಾಗಿ ತಿಂಡಿ ತಡವಾದಾಗ ಹೋಟೆಲ್ಗೆ ಹೋದ ಟೆಕ್ಕಿಯೊಬ್ಬರು ದೋಸೆ ಭಟ್ಟನ ನಿಧಾನಗತಿಯ ಕೆಲಸಕ್ಕೆ ಅಸಮಾಧಾನಗೊಂಡರು. ಆದರೆ, ಭಟ್ಟನ ಕಾಲಿನ ಗಾಯವನ್ನು ಕಂಡು, ಜೀವನದ ಕಷ್ಟಗಳನ್ನು ಅರಿತುಕೊಂಡರು. ಎಲ್ಲರೂ ತಮ್ಮ ಹೊಟ್ಟೆಪಾಡಿಗಾಗಿ ಕಷ್ಟಪಡುತ್ತಾರೆ, ಆದ್ದರಿಂದ ಎಲ್ಲರೊಂದಿಗೂ ದಯೆಯಿಂದ ವರ್ತಿಸಬೇಕು ಎಂಬ ಪಾಠ ಕಲಿತರು.
ಬೆಂಗಳೂರು: ಮನೆಯಲ್ಲಿ ದಸರಾ ಪೂಜೆಯಿಂದಾಗಿ ತಿಂಡಿ ತಡವಾಯಿತೆಂದು ಹೊರಗೆ ಹೋಟೆಲಿಗೆ ಹೋಗಿದ್ದ ಟೆಕ್ಕಿಯೊಬ್ಬರು ಜೀವನ ಪಾಠ ಕಲಿತ ಘಟನೆಯೊಂದು ನಡೆದಿದೆ. ಅದನ್ನು ಆ ಟೆಕ್ಕಿಯು ರೆಡಿಟ್ ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಅಂದಿನ ಅನುಭವವನ್ನು ಹಂಚಿಕೊಂಡಿದ್ದಾರೆ. ಅದಕ್ಕೆ ಹಲವಾರು ಮಂದಿ ತಮ್ಮ ಅನಿಸಿಕೆ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದು, ಟೆಕ್ಕಿಯು ನೀಡಿದ ಉದಾಹರಣೆಯು ಜೀವನದ ಪಾಠ ಎಂದು ಅಭಿಪ್ರಾಯಪಟ್ಟಿದ್ದಾರೆ. ಅಸಲಿಗೆ, ಏನಿದು ಕಥೆ, ಆ ಟೆಕ್ಕಿಗೆ ಏನಾಯ್ತು? ಇಲ್ಲಿದೆ ವಿಚಾರ.
ದಸರಾ ಪೂಜೆಯಿಂದಾಗಿ ತಿಂಡಿಗೆ ತಡವಾಯ್ತು ಎಂದು ಹೇಳಿ, ತಮ್ಮ ಮನೆ ಹತ್ತಿರದ ದಾವಣಗೆರೆ ಬೆಣ್ಣೆ ದೋಸೆ ತಿಂದು ಬರಲು ಹೋಗಿದ್ದರು ಟೆಕ್ಕಿ. ಹೋಟೆಲ್ ನಲ್ಲಿ ಟೋಕನ್ ಪಡೆದರು. ಅಲ್ಲಿ ಓಪನ್ ಕಿಚನ್ ನಲ್ಲಿ ಕಾದು ಬಿಸಿಯಾಗಿದ್ದ ವಿಶಾಲವಾದ ದೋಸೆ ಹೆಂಚಿನ ಮೇಲೆ ದೋಸೆ ಹಾಕುತ್ತಿದ್ದ ಭಟ್ಟ. ಅಲ್ಲಿ ದೋಸೆ ರೆಡಿಯಾಗುತ್ತಿದ್ದಂತೆ ಅದನ್ನು ತಟ್ಟೆಯಲ್ಲಿ ಹಾಕಿಸಿಕೊಂಡು ತಿನ್ನಲು ಸಾಲು ಸಾಲಾಗಿ ನಿಂತಿದ್ದರು ಜನ. ಅದೇ ಕ್ಯೂನಲ್ಲಿ ಈ ಟೆಕ್ಕಿಯೂ ಹೋಗಿ ಸೇರಿಕೊಂಡರು.
ಇವರಿಗಿಂದ ಮುಂದೆ ಇದ್ದವರು ಒಬ್ಬೊಬ್ಬರಾಗಿ ದೋಸೆ ಹಾಕಿಸಿಕೊಂಡು ಹೋದ ನಂತರ, ಇವರ ಸರದಿ ಬಂತು. ಟೋಕನ್ ಅನ್ನು ಭಟ್ಟನ ಕೈಯ್ಯಿಗೆ ಕೊಟ್ಟು ದೋಸೆಗಾಗಿ ಕಾಯುತ್ತಾ ಸರದಿ ಸಾಲಿನಲ್ಲಿ ನಿಂತರು. ಹೊಟ್ಟೆ ಹಸಿಯುತ್ತಿದೆ.. ಮನೆಯಲ್ಲೇ ಇದ್ದಿದ್ದರೆ ಇಷ್ಟೊತ್ತಿಗೆ ಪೂಜೆ ಮುಗಿದು ತಿಂಡಿ ಸಿಗುತ್ತಿತ್ತೇನೋ? ಇಲ್ಲಿಗೆ ಬಂದು ತಪ್ಪು ಮಾಡಿದೆ ಎಂದು ಒಂದು ಸಾರಿ ಅನ್ನಿಸಿದರೆ, ಈ ಭಟ್ಟ ಯಾಕೆ ಒಂಥರಾ ಸ್ಲೋ ಆಗಿ ಕೆಲಸ ಮಾಡುತ್ತಿದ್ದಾನೆ. ವೇಗವಾಗಿ ದೋಸೆ ಹುಯ್ಯಲು ಆಗಲ್ಲವಾ ಎಂದು ನಾನಾ ರೀತಿಯಲ್ಲಿ ಮನಸ್ಸಿನಲ್ಲೇ ಗೊಣಗೊಣ ಅಂದುಕೊಂಡು ನಿಂತ ಆ ಟೆಕ್ಕಿ.
ಭ್ರಷ್ಟಾಚಾರ, ಲಂಚ, ಹಗರಣಗಳಂತಹ ಹಾಗೂ ವಿಶೇಷ ಸುದ್ದಿ ಮತ್ತು ಜಾಹೀರಾತುಗಳಿಗಾಗಿ ಸಂಪರ್ಕಿಸಿ: 9449762791.

